Müchkrax'n

Aus Landschaftsgeschichten
Zur Navigation springen Zur Suche springen
Milchkraxe

Noch 'n Kriag faungt de Mü'chlieferei an,
a jeda' bringt sei' Mü'ch zam Mü'hbank'l z'saum',
und weu' des net so oafoch is',
drum so mauncha' recht findi' is'.
Ea' mocht a Krax'n fia' sei' Mü'chkaunna,
so bringt a aum Bug'l de Mü'ch auf d' Stroß' dauna.
Daweu' koana' a Foah'zeig hot g'hobt,
hot des aum Bug'l aum best'n 'kloppt.
Mit oana Mü'chkaunna hot ma 's leicht 'pockt,
owa' mit zwoa, do woa 's trotzdem a Plog'.
Bis dass de Traktor auf'kemma' san',
daun faungt des Leichta-Wea'n aun.
Mü'chbank'l hot 's massenhoft geb'n,
des woa' fia' de Laundwirtschoft a Seg'n.
Üwaroi' san' de Mü'chbau'n g'foah'n,
es is' üwaroi' de Mü'ch o'g'hoi't woa'n,
auf oamoi' hot se' nix mehr rentiert,
und nix mehr g'liefert wird.
De Mü'ch muass g'fiahrt wea'n mit an Tank
und g'kühlt wird s' mit an Hoftank.
Oi's nexta is' da Tankwog'n z' groß,
und da' Bau' bringt boi'd sei' Mü'ch meah' los.
Hiatzt muas schau' unbedingt a Woad' do her
daun kriagst d' fia' d' Mü'ch vielleicht oan Cent mehr!

Zusatzinfos

  • Bug'l = Rücken
  • Foah'zeig = Fahrzeug
  • üwaroi' = Überall
  • Mü'chbank'l = Milchbänke für Kannen

Quellen

Hans Pichler, Hofedl