Klimaerwärmung

Aus Landschaftsgeschichten
Zur Navigation springen Zur Suche springen

De Klimaerwärmung mocht uns z' schoffa',
wos woi'n ma nua' geg'n des Üwe' mocha?
Nix woi'n ma entbehr'n,
wos wia'd des nu' wea'n?
Mia woi'n net nochgeb'n,
woi'n nua' guat leb'n.

Fliag'n um de gaunze Wö't,
um unsa' guat's Gö'd.
Olle suachan hoi't ba olle a Schui'd,
des is' heit' schau' wia a Kult.
A de Forschung probia't und mocht schau' oi's,
do kriagst d' jo oft schau' an dick'n Hoi's.

Zah'n s' des hoasse Wossa' aus sechstaus'nd Meta', des is' eah' Wert,
und des koite Wossa druckan s' mit G'woi't in d' Erd.
Des kau' jo goa' net guat fia' unsa' Erd' sei',
do foi't ma ba uns Leit' da Ei'lauf ei'.
Es hot oan' do a' o'beidl't oi's wia,
so kimmt ma des a' mit da' Wö'tkug'l fia'.

Des Beid'ln va' da' Wö'tkug'l san de Erdbeb'n,
weu' mia auf dera Wö't koa' Ruah' net geb'n.
Ollas is' rundumadum nu' vü' z'weng,
daweu' is' unsa' Natua' jo a Gottesgeschenk.
Drum bleu'm ma do' a wengal z'fried'n
und schau ma uns um um unsere Lieb'n!

Zusatzinfo

  • woi'n = wollen
  • Üwe' = Übel
  • wea'n = werden
  • Wö't = Welt
  • an dick'n Hois kriagn = wütend werden
  • zah'n s' des hoasse Wossa' = ziehen sie das heiße Wasser
  • G'woi't = Gewalt
  • Ruah' = Ruhe

Quellen

Hans Pichler, Hofedl