Zänt Vakemma

Es woa' amoi' in an Pflegeheim,
wos do oi's va'keima' kau' sei'.
Ba oana' Frau gengan de Zähnt hoi't o',
se san' hoi't oa'foch nimma' do.
Se frogt de Schwesta' daun,
weu' s' oa'foch nimma' beiß'n kaun.
De Schwesta' suacht daun ollas o'
und a' ba da No'barin neb'nbei do',
weu' de hot Zähnt eahna' goa' zwoa,
und hiatzt glaubt s', de san' 's schau', des is' woah'!
Da'weu' wehrt se de recht hefti':
"Des san' de mein'!" schreit s' gaunz kräfti',
bis de Frau daun hot s' üwa'zeugt:
"De pass'n jo net 'eini in dei' Mäu'!"
Des geht iah' daunn laungsaum ei',
und se gibt de Zähnt daun frei.
De Frau, de wos ohne Zähnt is' g'kemma' au',
woa' seli', weu' s' hoi't wieda' beiß'n kau',
und olle aunda'n woa'n a' z' Tod froh,
weu' de Zähnt hoi't wieda' do!

Zusatzinfos

• va'keima' = verkommen, verschwinden, verloren gehen, verlegt werden, einfach weg sein
• in dei Mäu' = in deinen Mund
• geht ia' ei' = das begreift sie
• z' Tod' froh = sehr froh / zufrieden / erleichtert

Quellen

Hans Pichler, Hofedl