Wia ma ollas kennt und nennt

Aus Landschaftsgeschichten
Zur Navigation springen Zur Suche springen

Aum rarst'n hoaßt: aum best'n,
mit Puatz und Sting'l is' ollas aum next'n.
Waun a Bua' net mog des is' Völli',
za den sog'n s' oft: des is' a Wölli'.
A Sens'n is' a Sengs't,
braugst d' a Schneid', daun wiad g'wetzt.
Rost'n sogt ma', und des hoaßt: za'setzt,
za'n Schluss, des hoaßt: z'letzt.
Zan Zein' hot ma' an Stemp'n,
so kau' ma laung' schau' denk'n.
Sau' o'stecha' hoaßt: o'det'n,
wen wos wegnehma' hoaßt: o'nett'n.
Is' wos eint',
daun' is' net hereint',
wo umi'hupfa'
und z'ruck' is' uma'hupfa'.
Da Sebastian is' da Bast'l,
und ungepflegt des is' a Wast'l.
A Tosch'nmessa' is' a Feit'l,
a kurze Zeit, des is' a Neicht'l.
Kloane Bloch', des san' Blech'l,
zan Ox'n au'spauna' g'hea't a Hoi'jech'l.
Oi'weu' des is' imma',
und Stick'l, des san' Trimma',
a Schrauma is' a Gretz'n,
und a Stoff-Flecka'l, des is' a Fetz'n.
Selchen des is' Sö'cha',
und wer is' wö'cha',
a' Sensenstiel is' a Sengst'wa'
und schwer, des is' schwa'.
Haide, des is' a' Hoad',
und breite is do broat.
A wenga'l san' a poa'
und a Poa', des san' Zwoa.
Mittagess'n hoaßt: Ess'n kemma',
und brenna' hoaßt do daun' senga'.
Zahlen des is': mia' muass blecha',
rechnen is': dea' tuat rechna'.
Eine Sache, des is' a Socha',
und backen tuat: ma tuat bocha'.
Kaputt machen: z'reiss'n, va'hunz'n,
böse sein: des is' oan Hunz'n,
reich'n, des is roacha',
Lulu: des wa' daun Soa'cha.
Grün is' daun grea',
und dean', des dan de' Heah'.
Is' a Tölla' hi', daun schmeißt' ma 's wegga,
und a Prise san' a poa Deka.
A Schwöl' is' zan Lösch'n guat',
weu' de Fei'wehr doa't au'saug'n tuat.
A' Niad's is' ollas g'west,
Wua'näg'ln is' in de Finga' des,
jeda Stod'l hot an Tenn',
in da Heh' kau' nua' ob'n sei'.
Proih' di' net und gib net au',
mit o'streicha' kimmt ma' eant'a davau'.
Roat'ln tuat ma de Bloch'
dass s' net geb'n tan noch.
Neich'e Plochan san' net des Zü'
owa' mia braucht s' net fia 'n Petersü'.
A Neiga'l mocht a' kloane Lucka' ,
mit an kloan' Noag'l Wossa', do wia'd 's eanta drucka'!

Zusatzinfos

  • eint' = drüben, jenseits, auf der anderen Seite
  • hereint' = herüben, diesseits
  • Bloch = Stück eines Baumstamms
  • Hoi'jech'l = Halbjoch, Einzeljoch
  • A'Niad's = ein Jedes
  • aum rarst'n= am best'n, am sichersten
  • Puatz und Stingl = Alles miteinander
  • Wölli = Dummkopf
  • g'wetzt = gewetzt, scharf gemacht
  • Neigal = kleiner Handbohrer
  • rost'n = Verrosten
  • Roat'ln = fest mit Ketten zusammenbinden
  • zein' = zäunen, einen Zaun machen [Weide]
  • Stemp'n = Zaunpfahl
  • o'deten = abtöten, (ein Schwein) schlachten
  • Schrauma, Gretz'n = Schramme, Hautverletzung
  • dean = Eier legen [ist von dienen]
  • Tölla = Teller

Wua'näg'ln = Kalte Hände und Füße werden nach Erwärmung gefühllos Gegenmittel Kalt waschen

  • Schwö' = Löschteich

Quellen

Hans Pichler, Hofedl

Abgerufen von „http://landschaftsgeschichten.naturvermittlung.at/index.php?title=Wia_ma_ollas_kennt_und_nennt&oldid=5764“