Vicherei va Friaha
Waun a Hund laut kötzt,
des hoaßt 's: dea' bellt.
De Kuah, de gibt ban Mö'cha' a Mü'ch,
es is' a' Goaß eine Ziege,
da' Goaßbock stinkt owa' ba da' Liebe.
De Kotz' de passt' auf d' Maus,
ob s' ba da' Lucka' schaut heraus.
Ox'n gibt 's koa' meah' auf da Stross',
weu' ma oi's mit de' Traktor mocht.
Wusa'l gibt 's schau' gaunz sö't'n,
weu' wen'g Heah' bruat'n tät'n.
Is' koa' Hauh' dabei,
kau' a' koa' Wusa'l net sei'.
Schleicht da Fux ums Haus,
is' 's mit de' Heah' daun boi'd aus,
kroast da Heah'lgei' üwa'n Hof,
is' 's guat, waun ma' de Heah' bringt unta' Doch.
Klopft im Fruihjoahr da Specht,
weu' a' seina' Partnerin imponieren mecht'.
De' Spotz'n und de' Moas'n mochan' a muad's Weda'
ban Fuata'heis'l, Fink und Gümpi', Voga'l a jeda',
daun kemman d' Stadla' und de Schwoi'm
in d' Nistkast'l und in de' Kiahstoi'.
Sand de' Nuss' zeitig im Hea'bst daun,
kemman de Oachkatz'l und de Krauh',
de fliag'n ba an fest'n Bod'n in d' Höh, Nuss' aufschlog'n -
a so tuat se' in Joah' oi's megliche zua'trog'n!
Zusatzinfos
- Wusa'l = (Hühner)Küken
- Heah' = Hühner
- Heah'lgei' = "Hühnergeier", Habicht
- a Weda' mochan = "ein Wetter machen", ein aufgeregtes Geschrei machen
- Stadla' = Stare
- Krauh' = Krähen
Quellen
Hans Pichler, Hofedl