Hausmühle

Hausmühl in da' Hoslau,
so faungt da' elektrische Strom daun au',
wo da' Radlboch neman Leopold'n rinnt
und de 36. Bundesstroß' drüwa kimmt.
A Wehrboch va' dreihundert Meter hot des Wossa' brocht,
wo a Hausmüh' ihr' Oawat hot g'mocht.
G'hea't hot de Hausmüh' den Besitzer aum Lehen
und in Sturmberger auf Hausnummer 7, nau eben.
Waun des g'wes'n, des woaß ma nimma genau;
wos ma g'seg'n hot, woa' aungeblich a weiße Frau.
In da Nähat va' da Müh' wia'd a Elektrowerk,
a Russ' mocht des, und es is' guat und wert,
und des im neunzehnhundertzworazwoanz'ga Joah':
Elektrisches Liacht woa', und de Mühl woa' goa'.
So hot de Hoslau Oi't'nmoarkt üwa'holt,
und für 's Wosserrecht hot se' da' Sturmberger an Daumpfa' g'hoi't.
In da' Hoslau host da 's g'hea't va' da Weit'n:
da' Peckstoana' tuat elektrisch schau' Fuata' schneid'n.
Üwa' d' Hofstatt bis zan Orthof daun
hau'm s' a elektrisch's Liacht banaund.
Des E-Werk hot 's geb'n launge Zeit,
bis dass de NEWAG 'kemma' is' - des woa' a Freid'!
De G'schicht is' aufg'schrü'm woa'n voi' und gaunz,
dass ma s' net vagisst, va' unsa'n Leopoid'n Hauns!

Quellen

Johann Schauer (Lepoitn Hauns)

aufgeschrieben von Hans Pichler, Hofedl