Zwoa Taub'n

Es is' a moi a Dokta' g'west' in Yschpatoi,
sei' Sitz woa in Yschpa, auf jed'n foi'.
Zwoa Rössa hot dea a g'hobt',
das da Hausbesuch a kloppt.
Woa owa a Knecht oda a Dirn' a moi kraunk,
do woa da Dokta', ohne Göd net recht zan hau'm.
Hot's owa zwoa Taub'n fiar'n Dokta geb'n,
daun bleibt Knecht oda de Dirn' aum Leb'n.
Do siacht ma wos so kloane Vicha haum' goit'n,
d'rum hot se's a jeda Kloaheisla' a' g'hoit'n
und mia soit's kam glaub'n,
es hot oiweu g'hoass'n:"Des san in Dokta seine Taub'n"!


Sitz = Wohnort
Rössa = Pferde
g'hobt = besessen
ohne Göd net zan hob'n = ohne Geld keine Behandlung
zwei Taub'n fian Dokta = Angabe für Arzt dann Behandlung
Vicha = Tiere
Kloaheisla = Kleinbauer
g'hoit'n = Tauben gefüttert
oiwei = immer
g'hoass'n = behauptet
Zwoa Taub'n überliefert vom Bleamihuawa [Spitzname]
Pöcksteiner Florian Gärtner in Altenmarkt

Hans Pichler Hofedl