Schuasta
Version vom 25. März 2021, 20:06 Uhr von Christof K (Diskussion | Beiträge)
Schuasta' hot 's friaha' ba uns do vü' geb'n,
und mit an Wirtschaft'l hau'm s' g'rod kina' leb'n,
da'weu' s' de Schuach nu' händisch hau'm g'mocht,
hau'm s' es fia' ungleiche Fiass' a' hi'brocht.
Wia daun da' Schuachhaund'l is' g'kemma,
hau'm soi'chane a mords Dilemma!
Daun san' s' z' an Schuasta' g'gaunga,
dea' wos hot an recht'n Duachanaunda.
So hau'm s' de Schuach hoi't duachprobiert,
bis dass zwoa va'schiedane Schuach g'numma' wia'd.
Da' Schuasta' kimmt laung späta' d'rauf,
wia ra a Schuachschocht'l mocht auf.
Weu' do woa'n zwoa va'schiedane Größ'n d'rei' -
zan va'kaffa' kau' 's daun nimma' sei'!
Zusatzinfos
- Wirtschaft'l = kleine (Land)Wirtschaft (als Selbstversorger), Häusler oder Kleinhäusler
Quellen
Hans Pichler, Hofedl