Schmid!

Aus Landschaftsgeschichten
Version vom 5. November 2017, 22:25 Uhr von Chrissi N (Diskussion | Beiträge) (Die Seite wurde neu angelegt: „== G'schichtl == <poem> Da Schmid des is a groba Maun Vü greba ois ma si nua voastön kaun, am grebst’n is a do dabei, za sein aungetrauten Wei. Na Dera l…“)
(Unterschied) ← Nächstältere Version | Aktuelle Version (Unterschied) | Nächstjüngere Version → (Unterschied)
Zur Navigation springen Zur Suche springen

G'schichtl


Da Schmid des is a groba Maun
Vü greba ois ma si nua voastön kaun,
am grebst’n is a do dabei,
za sein aungetrauten Wei.
Na Dera lossta a nia a Ruah
Und saufa duara nu dazu
Es woa im Herbst zara Dreschnszeit
Vü Orbat a fiat Weiberleit
Putz’n, kocha, bocha und nu vü mea
Do kimmt da Schmid mit an moartsdrum Rausch daher
Hoaß is heit,sogta, mia is ollas Wuascht,
I woas nua oans i hob an Duascht.
Drum Bäirin s’wa koa Föhla
Hoima a Kriagl Most schnö auß’n Köhla
De Bäirin sogt do host dein Most und gib a Ruah
Da Schmid sauft und schaut in Leitn ban dresch´n zua
Na er duat sie um sein Weibal goanet bauga
Sie steht bara Dreschmaschin ban Godan und is hoch schwonga
Do faugt da Schmid der grausliche Maun
Iwa sei Oidi grob zan schimpfa aun
Duat steht´s mei Oidi de vafluachti Hua
Wau is nuaglei siach hob i schaun g´mua
Ban wosch´n und ban putz´n do duat´s geiz´n
Auf D´nocht do kriag´s ned g´mua ban hax´nschreiz´n
De vafluachti Hua der dreckige Schlaump´m
Schauzis aun foi hotz hiats de Waump´m.
De derbi Schimpfarei des hod mei Tante g´heat
Ba dera woa des gauns vakert
Schmid hoid die bleri Bap´m auf da Stö´h bist stüh
Wie sunst kimmida min Besnstüh
Wos bist du fia graußlicha Maun
A aundas Wei wara e schaun längst davaun
Drum dastas host sei froh
Außerdem siagst ned san Kinda do
So schimpft mit´n Schmid mei Tante a gaunzi Weu
Der steht bled do und offa steht sei Mäu
Mei Tante sogt braugst goanet so bled goffa
Schleichti hoam und duara dein Rausch aus schlofa
Drauf sogt da Schmid:“Geh e schaun hoam hob e koa Zeit
Und leck´s min Oasch es Weiberleit
Zan Glick is da Schmid glei ums Eck vaschwund´n
Mei Tante hed eam sunst mit´n Bes´n oani zunt´n

Zielgruppe

Erwachsene

Quelle

Original von Ignaz Leonhartsberger