Schlittschuhfahren

G´schichtl

Es geht efta ban Eis oana iwan Teich,
oana mocht's efta des is net neich.
Nua oamoi hot a Schlittschuach drau',
jo der g'wisse Yschpatola Mau'.

A aundra schreit eahm zua: "Bist deppat woan,
ba den dina Eis kaust jo net Schlittschua foan"!
"Na, na" sogt er: "Do schau wia schei,
do bi' i gaunz alloa, des tuat mi b'sundas g'frei'"!

Seine Kroas aum Teich de ziagt'a,
do auf da Seit'n kimmt schau s'Wassa fiara.
So kimmt's hoit wias kemma hot miass'n,
dauat net laung, so hot a noss de Füas'n.

Ei'brocha is a, zan Glick net in da Mitt'n draus't,
s'Wossa is eahm g'staund'n bis zan Nowi, das da graust.
Owa wossascheich is dea nu oiweu net woan,
weu waun's költa wiad, siagst'n aum Eis schau foah'n.

A soichana kau woahscheinli net datringa
und in Puagschocha Teich a net vasinga,
geg'n so vül Dummheit is a heit nu koa Kreitl g'wochs'n,
so hot da oane an Vog'l und da aundane hot Flox'n!

Zielgruppe

Alle

Botschaft

So verlockend zugefrorene Wasserflächen auch sind - Eislaufen auf Naturgewässern birgt immer eine Gefahr!

Zusatz-Info

Wahre Begebenheit auf dem Purgschachenteich (besteht seit 1779)!

Quelle

Hans Pichler, Hofedl