Schifft'l

Schifftl-Radl - zwei Typen mit unterschiedlicher Zähnung

Schifft'l bocha woa za jeda Zeit
a jede Beirin gern bereit,
des woa a boid g'scheg'n,
waun wea auf B'suach kemma is' g'wes'n.

A schnölle Hitz' in Hoitzofa' dahea',
do muass a bammig's Hoitz hea,
und za de Schifft'l dazua
a Häf'l Tee, und des woa g'mua.

Owa a jeda hot se g'freit,
waun de Beirin a dazua hot g'hobt a Zeit.
De Schifft'l woan'd aus Strud'ltoag,
da Toag is' ausg'woi'gt aum Nud'lbrett woa'n.

Mit 'n Schifft'lrad'l hot ma' de Schifft'l g'mocht,
g'rad'lt hot ma s' kloa' oda' groß.
So maunche haum s' a' Poista'zipf g'nennt,
und oi's Schiffa'l hot ma's a kennt.
Des woa a guate Fost'nspeis' g'wiss,
mit da Ei'brennsupp'n a Mittogess'n g'wes'n is'!

Zusatzinfos

• Schifft'l = in heißem Fett gebackener dünner Strudelteig
• bammig's Hoitz = abgestandenes Buchenholz
• Hefa'l = Häferl
• Strud'ltoag = Strudelteig
• Schifft'lrad'l = kleines Rad mit Zähnen zum Durchtrennen des Teiges
• g'rad'lt = gerädert, gab als gebackenes dreieckiges Backwerk ein gezähntes Muster ab
• Poistazipf = Polsterzipf
• Schiffi - Ableitung von kleinen Schiffen
• Ei'brennsupp'n = Arme-Leute-Essen, kräftige Suppe mit Mehlschwitze (Einbrenn)

Quellen

Hans Pichler, Hofedl