Scheiterberg zum Scheiterweg in d'Yschpa
Von der Buche am Scheiterberg über den Scheiterweg zur Klause an der Ysper zur Yspermündung
De Hoi'zknecht dan aum Scheiterberg mit da Sog'
Ziagsog' schneid'n an jed'n Tog.
Klofta' is' des oi'te Moß',
san' 75 Zentimeta' groß,
so san' de Scheiter laung,
weu' ma sunst net Schwemma' kau'.
G'schnitt'n san' s' voa 'n Soft,
weu' sunst hot des Hoi'z koa' Kroft.
Oi's nächsta' woa' des Klia'm aum Berg,
so is' des Hoi'z mehr Wert.
Des Aufzoa'n woa' gaunz wichtig,
iwa'numma' van Ferschta' - des is richtig.
Trick'an in da Sunn' in' gaunz'n Summa' daun,
de Scheita' kemman erscht in Winter draun.
Mit de Ziagschlitt'n auf de Zugbauhnen eahna drei,
aufitrogn in Schlitt'n und bergo' geht 's dahi' - des is' schei'!
Bis auf d' O'la', do faungt da Scheitaweg au' und
wo 's steu' bergo'h woa', braucht ma ban Hörnaschlitt'n an Hund.
Gibt 's do a scheine feste Schneefoah'bauh',
daun hängt ma den Scheiterweg glei' drau'.
Is' owa' des net zan mocha,
muass ma des mit de Ochs'n mocha.
So bringt ma de Kloftascheita' in de Klaus zan Yschpaboch,
guat g'schlicht't fia' d' Hoi'zschwemm', des is' a eig'ne Soch.
Do woa' in Klaus'moasta' sei' eigen's Reich
mit 'n eig'nen Schwemm-Klausteich.
Des is gaunga' bis ins 29a' Joah',
weu' do woa' de Schwemmerei fia oiweu daun goa'!
Zusatzinfos
- Klofta' = Klafter (Längenmaß = 6 Fuß - in Ö: 1,9m, Holzmaß als Holzstoß von 1 Klafter Länge, 1 Klafter Höhe und 1 Elle Scheitlänge - also ca. 3 Festmeter)
- klia'm = klieben, Holz spalten
- Zoa = Holzstoß
- O'la' = Abladen, Stelle zum Lagern bzw zum Umladen
- Hörnaschlitt'n = Hornschlitten, Hörnerschlitten, benannt nach den vorn nach oben verlängerten Kufen, die zum Lenken und Schieben des Schlittens und als Haltegriffe dienen
Quellen
Bericht von Hans Schauer, "Lepold'nhauns"
Aufgeschrieben Hans Pichler, Hofedl
