Schäwaln

Aus Landschaftsgeschichten
Zur Navigation springen Zur Suche springen

G'schichtl

Ba da Heiernte hob i ois Kind a monchmoi mithöffa miassn.

Meistns sand dee scheen flochn Wiesen zerscht g´maht worn und z`letzt de nossn Wiesn.

Soboid owa des schlechde Wedta umagschaut hot und des Hei is auf da nossn Wiesn gleng, is dee Gaustarei loosgonga.

D'Oma, da Votta, d'Muatta und olle Kinda', dee dahoam woan, sand mit'n Recha auf da Schuita losmaschiert auf d' Wiesn.

Oa Schäwal noch dem ondan is entstonden. Meistns hom wia um d' Wett gschäwalt, wer dee meistn zombringt.

Des Hei wiad jo net soo schnö schlecht wonn 's g`schäwalt is. Vierzehn Tog wors schiach. Zan Renga hot's goa nimma aufg'heat, wobei des Hei imma schlechta woan is. Dee Viecha meng so an Mist a nimma fressn.

Wia donn d' Sunn wieda vieara kemma is, san ma olle mitanond mit'n Gummiwoong ausgfoahn. Mit 'n Lodewoogn hett'st nimma einikenna in de Wiesn, der wa sicha untagonga. Denn auf da Wiesn konn ma des dafäu'te Hei a net lieng lossn.

Owa... wos ziagt ma denn do via Schuach o'? Mit dee Gummla san ma ausgroast. Monchmoi san ma mit dee Stüfie soweit eigsunga in den Gaatsch, dass nua mea dee Knia aussagschaut hom. Da Stüfie is steckablüm im Gaatsch. Oamoi aussagschlupft vaa dee Gummla sand wia Kinda donn blosshappat umanondgrennt. Den Gatsch hot's durch de Zechan druckt, wos natürli ana Moorpackung gleichkummt.

Mit da Gowie homma dee Scheewal aufgspießt und umdraht. Do hots nua soo gwualt, denn hundate Regnwiam woan net in da Ead sondan im Hei.

Wia i donn dee erschte Schlongan gseng hob, binn i auf und davoo va da feichtn Wiesn.

Quelle

Anneliese Gierer, Pöggstall