S'wiesnrama
Zur Navigation springen
Zur Suche springen
G'schichtl
In de 60zga Johr, wonn a Firsambam im Winta af D'wiesn ausi umg'schnittn woarn is, homa im Auswärts beim Rama de Astln auf an Haufa zam g'schmissn. Des Lab am Woidrand is a glei auf den Haufa kema und donn is aubrennt woarn. Mir hom scho immer g'schaut dass des Fei net weira greift.
De Scherhaufan homa a glei z'recht und de kloan Stoa homa in Woid einig'schmissn. Wia olles z'sambrennt woar, is a sehr vü Oschn auf den Brennfleck glegn.
Mei Vota hot des in a poar Tog drauf mit da Runsnhou' umgrobm, und danoch hot er donn an Gurknsaum eing'legt, weil ers so gern gessn hot. Durch den Oschn san do wunderschene Gurkn gwochsn.
Leida gelingt ma des in mein Gortn net so guat wia domois mein Vota.
Zusatzinfo
Firsambam | Baum am Waldrand |
Auswärts | Frühling |
rama | Wiesen abrechen und säubern |
Astln | feines grünes Reisig |
Fei | Feuer |
Runsnhou | Rinnsal Hacke |
Scherhaufa | Maulwurfhügel |
Stoa | Steine |
Quellen
Johanna Hinterndorfer