S'Schwoaze Kammerl
Eine üble Lehrmethode!
Wos woa waun a so a Schulabua ,
dea' schlimm woa ,des woa goa net guat,
mia hot eam mit'n schwoatz'n Kammerl droht,
do hot a jeda g'hobt sei' schware Not.
Owa so maunchea' hot des üwa'seg'n
und ea' is' schau in schwoaz'n Kammerl g'wes'n .
So mauncha Lehrer woa do schnö'
und ea' woa schau d'rin in Kammerl auf da Stö',
do heast'n a daun jammern und blea'n
und host'n daun a g'heart rean .
Des schwoa'tze Kammerl woa fia den Rau'pfangkehrer,
in schliafboar'n Rau'pfaung zum Ruas' entferner .
Fia' maunche Schula' woa des a Lebensschreck
und so maunche Leit' glaub'n des woa a guata Zweck .
So mauncha hot a mord's drum Aungst
und waun's Finsta wia'd ,do wia'd ea Aungst und Baung'.
So mauncha Bua woa goa net g'schreckt
waun ea öfta in schwoatz'n Kammerl is g'steckt ,
so hot eam da Lehrer amoi' vagess'n ,
do is a schau' aum Raup'faung ob'n g'sess'n
und hot owi g'schrian aum Moarkt, ea' hot se g'meld't ,
Do haum's eam g'seg'n und in Lehrer den is' net recht guat g'scheg'n .
Waunst' heit a so a schwoatz' Türl siagst ,
wia schei des is waun' se koana mea' davoa' fiacht'!
schwoatze Kammerl = Kamine die es in jeder Schule gab,derRauchfangkehrer
kletterte innen rauf und kratzte Schlacke und Ruß ab
owa = aber
üwa'seg'n = übersehen
schnö' = schnell
Stö' = Stelle
siagst = siehst du
fiagst = fürchtest