Russendenkmal

Russen-Mahnmal in Yspertal. Foto: Gemeinde Yspertal (über Hans Pichler)

Russ'n woa'n noch 'n Kriag unterweg's ba de Heisa',
zuag'gaunga is' 's do net leisa',
se hau'm g'grölt 'an gaunz'n Tog,
jo weu' 's an Schnops ge'm hot.
So woa'n s' in Bau'nhaus Weira'
und auf da' Oid'n Stroß' geht 's noch Oi't'nmoarkt weida'.
A russischa' Leitnant kimmt dahea'
und schimpft, wos fia' Kraweu' do wea'.
In da Näh oa'wat'n a poa' Leit',
de hau'm do goa' koa' Freid,
auf oa'moi' mocht 's ba de Russ'n an Krocha',
de Russ'n woa'n weg daun nochha',
nua' oana' is' aum Weg daun g'leg'n
des is' da tote Leitnant g'wes'n.
Zwoa deitsche Hoamkehra' woa'n a' in da Geg'nd,
de rennan a' um eah' Leb'n.
De Leit', wos doa't g'oa'wat't hau'm,
de hot ma z'saum'g'faungt,
und gaunz Oi't'nmoarkt wia'd baung'.
Se hau'm de Leit' daun va'zaht
und hau'm g'sogt, se wea'n hoam'draht.
Es hot se daun aussa g'stö't zan Glick,
es woa'n de Deitsch'n, owa' de unsa'n nit.
Aum Gedenkstoa' steht geschrieben:
DURCH EINES RUSSEN TOD
KAM ALTENMARKT IN ARGE NOT!

Quellen

Original: Hans Pichler, Hofedl