Reibbrett

Adventzeit, wia s' friaha' woa' überoi'
in de Berg und a' im Toi':
ma kehrt und putzt oi's schei' z'saum'
dass ma 's za de Fei'ta' recht schei' a' hau'm.
Mit 'n Reibbrett is do z'saum'g'wischt woa'n,
do is' ma mit 'n Fetz' und Reibbirscht'n g'foahrn,
van Dochbod'n bis za da Kölla'tia',
vagess'n hot ma do koane Wink'l nia.
A jed's Zimma', d' Speis und d' Stub'n,
a jede Baunk, Sess'ln und de Tisch draht ma um.
De Herrgottswink'l putzt ma schei',
dass net wo a Spinerhaut hiebei kau' sei'.
A' de Heiligenbü'da' wea'n do g'wosch'n,
Herz Jesu, Herz Maria und 's Krippa'l mit Es'l und Ochs'n.
Mia hot a' so maunch'n Streit daun g'schlicht't
dass ma a' im Herz'n fia' Weihnacht'n woa' g'richt't!

Zusatzinfos

• Reibbrett = Brett 30 x 40 cm, auf drei Seiten eine 10 cm hohe Leiste mit einem Griff zum Aufheben, meistens aus Fichtenholz, zum Reiben des Holzbodens mit Reibbürste und Aschenlauge; zu besichtigen im Heimatmuseum Yspertal

Quellen

Hans Pichler, Hofedl