Rauna
Friaha hau'm s' g'sogt: "Esst's de rot'n Rua'm,
do werd't's recht stoa'ke und große Bua'm!"
So va'foi'gt uns de Rauna a Leb'n laung,
se hot vü' Vitamine, wia'st weniga kraunk.
Mit Vitamin B, Kalium und Eis'n
tuat 's in Körpa' in Winta' guat erweis'n.
Vü' kennan s' nua' van Solot,
recht guat san' s', host du ba de Darm' a Not.
Jo und des guate Winta'g'mias',
a Fuchsschwaunzg'wäch's, und a' nu' süaß.
Nemma kau' ma s' üwaroi',
g'sund is' auf jed'n Foi'.
Friaha' hot ma s' zan Fawin g'numma',
es woa' net schädli' und g'hoi't'n hot 's a' üwa'n Summa'.
De Foa'b', de is' oi'weu' schei',
owa' dakimm net ban Heis'l geih'.
Ba uns Rauna, Rohna, Rohne, Rone tuat ma s' nenna',
und in da' Schweiz Rande und in Deitschlaund Rote Beete kenna'!
Bist d' nervös, daun dan s' da guat
und is' a' guat fia 's ruahige Bluat.
Zusatzinfo
- Rauna = Rote Rübe
- Fawin = Färben (Färbeln)
Quellen
Hans Pichler, Hofedl