Powid'l

Warum hot 's friaha an Powid'l geb'n?
Laung hot a' g'hea't zan Üwa'leb'n.
Zwetschk'n hot 's voa' Bia'n und Öpfi' g'seg'n,
und oft hau'm s' g'heart zan Üwaleb'n.
Hot ma de Zwetschk'n g'wosch'n und entkernt,
des hot ma den kloan' Kindan jo schau' g'lernt.
Voa' ca. hunda't Joah'n hot 's ka'm an Zucka' g'geb'n,
und so hot ma ba da Fost'nspeis nua Powid'l g'seg'n.
Zan Powid'l hot ma a g'wisse Zeit daun braucht dafia'
wia ma den g'kocht hot, braucht ma a launge Zeit dafia'.
In an groß'n Hefa' mit an biss'l Wossa' g'kocht,
a hoi'wi Stund mit de Zwetschk'n, des hot 's 'brocht,
daun a via' - fünf Stund' aum Ofa'raund daun ziag'n,
net hoaß, und hie und do a biss'l riah'n.
Owa' ollas ohne Zucka' hot ma ei'kocht,
und hot a' wos Siaß' fia' de oa'ma' Leit' g'hobt.
Powid'l hot ma' fia' ollas g'numma',
so is' ma g'kemma' bis zan next'n Summa',
fia' de Strudl'n, Palatschink'n, Wuchtl'n und Bäckerei,
und a' de Powid'ltascherl woa'n a' do oft dabei!

Quellen

Hans Pichler, Hofedl