Mass'ntest

Des Zwoataus'ndzwoanz'ga' Joahr, es geht zan Weihnachtsfest,
va' G'meind'n, Stodt, Bund und Laund mochan nu' an Mass'ntest.
Zea'scht hoaßt 's: "Des is' a guate Idee,"
de Opposition sogt: "Des is' a Bledsinn und a Schmäh."
Owa' waun ma za de Fei'ta' za da' Oma tad'n foah'n,
daunn wa' 's net schlecht, waun ma' ba an Schnö'test woan.

"D'rum mö'd ma uns nu' schnö' au',
hoffantli' kemm' ma do do' a' nu' schnö' drau'.
Es is' jo goa' net so schlecht,
waun ma wieda' za da' Va'waundschoft mecht',
do kemma a' mit da' Oma z'saum',
und vielleicht fliag'n uns ba deara' Geleg'nheit a poa' Hunda'ta' au'."
So is' a so a Schnö'test goa' net so schlecht,
und an' jed'n is' dea Schnö'- und Mass'ntest daun woa'n schau' a' recht!

Quellen

Hans Pichler, Hofedl