Maria Laach am Jauerling

Aus Landschaftsgeschichten
Zur Navigation springen Zur Suche springen

Schei' is auf 591 Meta' Hech'n g'leg'n,
und vü' Leit' hoi'n se' a' do eah'n Seg'n,
owa friaha' is' hoi't aunda'scht g'west,
wia ma' nu' z' Fuaß g'gaunga is' und g'kemma va' jed'n Nest.
Woi'foah't'n hot ma' des g'nennt,
oi's is' nu' laungsauma' g'gaunga - koana' is' so vü' g'rennt.
Daun is' g'kemma de neiche Zeit,
de wenigst'n hau'm mit eah'ne Wirtschoft'n a Freid'.
Es hau'm se' de meist'n umg'stö't auf Christbamkultua',
und so wochs'n Hutweid'n, oa'mahdige Wies'n und d' Acka' zua.
A jeda' glaubt, dass a' 's kau',
und so kimmt a jed's Ead'l drau'.
Hausgoat'n, Roa' und a' da' Woi'd
dea' wos 'in Wind und Schneedruck zan Opfa foi't.
Üwaroi' wea'n Christbam' g'setzt,
es wia'd nu' meah' umadum g'hetzt.
A' kimmt üwaroi' a Zoa',
dass de Reh' nix da Kultua' kau' toa'.
Voa' Weihnacht'n is' kam a Ruah',
do schaust d' 'in Leit'nan nimma gea'n zua.
Christbam' wea'n noch 'n Mau'heil g'schnit'n,
es wia'd koa' Sunn- und Feia'tog dalitt'n.
Oi's schlogt se' auf G'sundheit und Kreiz,
brocht hau'm se 's do schau' weit.
Es gibt üwaroi' boi'd an Zau',
dass ma boi'd nia'gands meah' duachgeh' kau'.
Mogst d' a Büd'l boi'd in jeda' Richtung,
iwaroi' a Zau', a Droht auf jeda' Woi'dlichtung.
Jo do va'geht da' boi'd oi's,
und eng wia'd da' daun dei' Hoi's,
koana' hot fia' nix meah' Zeit,
weu' Christbam' san' eah' greßte Freid'.
Eng wia'd 's, waun wea' g'stoa'm,
weu' s' jo miass'n mit de' Christbam' foah'n.
Üwaroi' gibt 's boi'd an Staund,
und des in de Städt' und a' aum Laund.
Es is' koana' meah' dahoam,
va' lauta's woi'n und doa'n.
I' glaub' nimma, dass des oi's is' richti',
i' moa', de G'sundheit wa' meah' wichti'.
Es soi'd a jeda' sei' Socha' guat va'kaffa',
owa' waun sd' net z'fried'n bist, muasst mit da' Sö' raffa'.
Nu' hoaßt 's "Maria Loch aum Jauerling",
vielleicht hoaßt 's boi'd Maria Laach im Christbamring!

Zusatzinfo

  • Woi'foah't'n = Wallfahr(t)en - die Kirche von Maria Laach ist dem Fest Mariae Heimsuchung (Marias Besuch bei Elisabeth) geweiht und wird seit vielen Jahrhunderten von Pilgern bereist
  • oa'mahdige = einmal jährlich gemähte
  • Ead'l = kleines Haus
  • Roa'n = Rain (ungenutzter Grenzstreifen zwischen Grundstücken, mit Hochstauden und Sträuchern bewachsen)
  • umadum = umher, herum
  • Zoa' = Zaun
  • noch 'n Mau'heil = gemäß den Mondphasen
  • da'litt'n = ertragen, erlitten, hier: eingehalten

Quellen

Hans Pichler, Hofedl