Müllobfuhr

Aus Landschaftsgeschichten
Version vom 10. Dezember 2020, 18:40 Uhr von Christof K (Diskussion | Beiträge)
(Unterschied) ← Nächstältere Version | Aktuelle Version (Unterschied) | Nächstjüngere Version → (Unterschied)
Zur Navigation springen Zur Suche springen

Wia 's friaha' a'moi' woa',
kau' ma se' hiatzt net voa'stö'n, des is' eh kloa'.
A jed's biss'l, wos ma hot g'kafft ei',
is' in an Papiersackl do drei',
ob 's is' a Germ oda' Rosinen
mit fünf Deka, san' in oan Stanitzl drinnan.
A hoi'b's Kila van Zucka' und a' Soi'z:
in an papieran' Sack'l fia' a poa' Wocha', jo des hoi't's.
Es is' koana' foa't ei'kaffa' g'foah'n,
oi's is' nu' in da dahoamtig'n Ortschoft g'kafft woa'n.
Woa' owa' a'moi' hi' de Hau',
so stach'lt s' da Schmied daun wieda' au'.
Woa' a Sauhäfa' luckat, do hot ma 's zan Häfa'binda' 'brocht,
und dea' hot an neich'n Bod'n do einig'mocht.
Host d' braucht a'moi' a Petroleum,
mit da' Kau'l kaffst ei' und tuast net um.
A Tofi'ö' hot ma kam g'kennt,
weu' in Solot hot ma mit 'n Speck o'brennt.
Da' Briaftroga' hot nu' koa' Werbung 'brocht,
weu' nu' koa' Firma a Werbung üwa' d' Post mocht.
Woa' a'moi' wos z'riss'n,
do hot ma nix weggag'schmiss'n.
Do hot ma 's daun z'saum'g'flickt
und eventuö' a' nu' wos drau'g'strickt.
San' Säckl oda' West'n luckat 'woa'n,
so hot ma s' g'stoppt und is' schau' wieda' woa'n.
A Janka' oda' Hos'n haut ma schau' goa' net weg,
do kimmt auf de Lucka' a mordsdrum Fleck.
Klopapier hot 's a' nu' net g'geb'n,
do is' aum Plumpsklo nu' a z'saum'g'schnitt'ne Zeitung g'leg'n.
Koa' Plastik und koa' Oi'tpapier -
so a Tonne hätt' ma braucht a gaunz's Joah' do nia.
A Biotonne, do hätt'n s' g'frogt: "Wos is' denn dos?"
Bei uns, do bleibt jo net a'moi' a Gros.
Recycling hot ma a' net g'kennt:
mia hot mit oan' Wort oi's wieda'vawend't.
G'hobt hau'm ma net recht vü', owa' es woa' recht schei',
wos mog ma meah' oi's: "Es kunnt' net bessa' sei'!"

Zusatzinfos

  • voa'stö'n = Vorstellen
  • g'kafft = gekauft
  • Germ = Hefe
  • Stanitzl = zu einem Trichter zusammengedrehtes Papierblatt
  • Zucka' und a' Soi'z = Zucker und auch Salz
  • foat = fort
  • hi' de Hau' = kaputt die Haue [Harke]
  • stach'lt an = schmiedet heiß an
  • Sauhäfa' = großer Topf zum Kochen für Schweinefutter
  • luckat = löchrig
  • Kau'l = Kanne (hier: für Petroleum)
  • Tofi'ö' = Tafelöl, Speiseöl
  • z'riss'n = zerrissen
  • weggag'schmiss'n = weggeworfen
  • z'saum'g'flickt = zusammen genäht
  • eventuö' = eventuell
  • san' Säckl = sind Socken
  • West'n = Weste

Quellen

Hans Pichler, Hofedl