Liebesleben

A Liebespärchen geht in Woid,
wei's eana hoit doat aum best'n g'foit.
Wo hoit a schei's Platz'l is,
untan Hochstaund in Moos, des is G'wiß.

Obm aum Hochstaund do is g'sess'n,
da Herr Hochwürd'n gaunz vagess'n,
wia a d'rauf kemma, das se do unt'n wos tuat,
denkt a se, wa i do gaunga va do fuat.

Hiatzt is a hoit g'sess'n der oame Mau,
de gaunze Zeit, wos faung i den au.
Unta eahm do ziagt da Bua des Diand'l aus,
da Herr do omat denkt se, o Graus o Graus.

Da Bua der treibt a oages Spü',
des wiad Hochwürden do fost z'vül.
Er bet't so maunch'n Vater Unser doa't,
das de Zwoa do unta eahm gangad'n boid foa't.

A gaunze Stund hot da Herr Pfoara sei' Not
und aum Sunda ba da Predi hot a g'sogt:
"Eine volle Stunde hot er sie geg'wält",
do haum laung d'Leit nu driwa g'grinst,und g'redt!

Quelle

Original von Hans Pichler, Hofedl