Leit und Öpfi' !
In da Friah, do kimmt ma de Idee
(ba'n Öpfi' schö'n, jo woaßt d' as eh,
und wia ma hoi't so denkt,
waun ma va' nix aunda's o' is' g'lenkt):
Waunst an so an Opfi' au'schaun tuast,
dass d' oft grod locha muasst:
A so a Opfi' is' wia a Leit:
auß'n schaut a' aus gaunz guat und g'scheit.
Schneid'st 'n ausanaunda' amoi',
do siagst: so schei' is' a' auf goa' koan' Foi':
an braun' Punkt hot ea' do drin,
ea' is' net gaunz guat, owa' a' net gaunz hin!
Faungst d' owa zan schö'n daun au',
do siagst, wos unta' da Schöla do nu' drau':
Woach is' a' und nimma' gaunz neich,
mit oan Woa't: ea' is' a Opfi'leich'.
Da' nexte Opfi', dea' is' g'fäu't,
mia kau' fost sog'n wia ba de Leit':
dea' hot hoi't nix zan va'stecka,
nau schneid't ma hoi't des Schlechta' wegga.
Da' nexte Opfi' locht di' au',
oi's wa' do goa' nix schlecht's hoi't drau'.
Nua' koana' woaß, dass do da' Wua'm drinn is',
so wia ba de Leit: auß'n hau'm s' a schei's G'frieß,
do' ei'wendi' hau'm s' dunkle Nocht,
weu' nia a Liab' in eah'n Herz hot einig'locht.
Noch auß'n hau'm s' a moa'dsdrum schei's G'sicht,
doch Liab' und Treu', de kennen soi'che Leit' hoi't nicht!
Zusatzinfos
- a Leit = eine Person (Einzahl von "Leute", ja das gibt es in der Mundart!)
- Schöla = Schale
- g'fäu't = gefault, verfault
Quellen
Original: Hans Pichler, Hofedl, Februar 2003