Krautgoat'n
Zur Navigation springen
Zur Suche springen
Da' Krautgoa't'n woa' meist'ns a Stik'l weg van Haus,
oi's, wos ma net in Ga't'l g'hobt hot, setzt ma do aus:
Kraut, Ea'pa'n, Meahra', Zwüfi' und Knofi',
Rua'm, Bauh'l, Sellerie bis zan Zölla' hi'.
Des woa' oi's in Krautgoat'n do,
dea' woa' in da' Nohat do, woa' a jeda' froh.
Jed'smoi', waun s' a Grea'zeig hot g'hoi't,
hot s' a wen'g'l g'hei'lt boi'd,
und woa' da Krautgoat'n schei' banaund,
des hebt de Ehre und a' in Staund.
Und g'sund woa' des gaunze Socha',
do muass da' Bau' oft locha'.
Dea' mog hoi't liawa' vü' Fleisch,
weu' des Grea'zeig is' eahm z' neich.
Zusatzinfos
- Ea'pa'n = Kartoffeln, Erdäpfel ("Erdbirnen")
- Meahra' = Möhren, Karotten
- Zwüfi' = Zwiebel
- Knofi' = Knoblauch
- Rua'm = Rüben
- Bauh'l = Bohnen
- Zölla' = Sellerie
- Nohat = Nähe
- Grea'zeig = Grünzeug, Gemüse
- hei'ln = harken, mit dem Hei'l den Boden bearbeiten
- Bau' = Bauer
Quellen
Hans Pichler, Hofedl