Kornschneiden

Aus Landschaftsgeschichten
Zur Navigation springen Zur Suche springen
Aufstellen der Kornmandl
Stehende Kornmandl

G'schichtl

Des Kornschneidn mit da Sengst,
is da Moda, zwoa Aufhebarinnem und a Binda gwest.
Woa da Bau und Bäurin alloa,
do haums bindn und Mandln nochi toa.
Auf da Sengst de Au'ma'ruatn,
des woa a Hoslas Stangl ois Ruat'n,
de woa eigspaunt aum Sengstwa',
das des Korn schei umi draht.
Mit drei via Sengst'n is wos weita gaunga,
do geht fan Föd wos dauna.
De erschte Aufhebarin hot's Bandl draht
und de zweite hot Goam dauna zaht.
Des is mit da Sichl g'schegn,
daun is de Goam aum Bandl g'legn.
Da Binda hot bundn de Goam
und a g'Schweafit is mit a poa Heum woan.
Es hot da Mandla de Goam zaumgstöt,
oa Mandl hot nei' Goam daun zöht.
De Mandl san daun g'stauntn in oana Reih,
des woa daun a scheine Mandlzeu.
Oft is drauf kemma a Huat,
das net ins Mandl eiregna tuat.
Heumklaubn woa de Oawat fia de kloan Kinda,
do haums g'sogt "de measn se a ea Brot va'dina".
Heumdotsch'n hot meist'ns a Dirn,
do haums g'sogt "braugst eh koa Hirn".
Hot a Moda nix brocht weita,
haum de Aundan sekiert, de Kornschneida,
haum ean Huat owa tau
und faungan s'Bluatrian au.
Es haum se daun auf d'Jausnzeit ,
olle Kornschneida schau mua'ds g'freit,
waun se de Baunleit' daun net dan Lump'n,
is a dabei da Most a mords Hump'n
und so g'schiacht an gaunzn Tog
a weu wos, Mohd fia Mohd.
Owa aum Sunda aum Kiachaplotz,
do host as g'heat,wia fü a jeda Bau' Mandl hot
und wias daun weita geht,
in nextn Gedicht'l drin steht!

Zusatzinfo

  • A Sengst = Ein Sensenmäher 2 Aufheberinnen 1 Binder der die Garben bindet 1 Mann der Mandl macht und einen Hut aus einer Garbe aufsetzt
  • Aumahruatn = Eine Haselnußstange so lange wie der Mäher, die in den Sensenstiehl eingespannt wurde
  • Bandl = aus Roggenstroh das man nahm und unter der Achsel drehte, umknickte, teilte und auf den Acker legte
  • Mandl = Neun Roggengarben zusammen gestellt
  • Goam = Roggengarbe
  • G'Schweafit = der obere teil der Garbe wird mit einigen Glaubhalmen zusammengebunden
  • Heum = Roggenhalme die am Acker lagen
  • Mohd = eine Sensenbreite gemähter Roggen
  • Heumdotschn = mit einem Halmerechen wurde der ganze Acker gerecht
  • Bluatrian = wenn einer nicht so schnell wie die anderen mähte, wurde er ausgelacht und mit dem Hut gezeigt wie Blut rühren

Quellen

Hans Pichler, Hofedl