Koa Tschüss

Tuat ma ba uns wos in da Mundoart sog'n,
kaunst d' in Woi'dviert'l koa' "Ü" vatrog'n.
Ba uns, do gibt 's koa' "Tschüss" -
"Servas" und "Pfiati" do g'sogt is'.
Stott drücken hoaßt 's drucka',
bücken, des is' bucka'.
A Brücke is gaunz oa'foch a Bruck,
und zurück hoaßt z'ruck.
Aundascht is ba da Stoi'bruck,
do gibt 's Kuah- und Saustoi'bruck.
Müde, des is daun miad,
und Würde hoaßt gaunz oa'foch: den geht 's guat.
Über do is wos iwa,
owa' drüber, des is driwa.
A Schürze is' a Schirz'n,
und Würze, mit den tuat ma Wirz'n.
Küsse, do gibt 's a Buss'l,
Gemütlich, do is sicha' g'miatli'.
De Grütze is' a Marmelad'
und süß is' daun siaß und net fad.
A Mütze, des is' ba uns a Hau'm,
und Füße san' de Fiaß', kau'st ma 's glaub'n.
Des Hühnchen is' a Bockhend'l
und de Oa' legt, is a Henn.
Tücher, des sand Tiach'l,
Gemüse, des is' jo a G'mias.
Rüben, des sand de Rua'm.
Früh, des hoaßt in da Friah,
und Tür, des is' ba uns de Tia'
a Herde Kühe san' de Kiah',
Mücken, des san' de Mugg'n,
und hüpfen, do ta' ma hupf'n.
Hütten, des sand Hitt'l,
owa' Glück, des is' a Glick'.
Strümpfe nennt ma Strimpf',
und Stümpfe, des san' de Stimpf'.
A Glasschüssel is a gläsane Schiss'l,
net vü', des is a Biss'l.
Pflücken, des is brocka',
a Pfütze is a Locka'.
De Gülle stinkt a's wia,
Mistsupp'n nennan s' mia'.
Überall des hoast iwaroi'
so sogt ma' aum Berg und im Toi'.
Dafür is dafia,
ohne Ü a jed's Wort so sog'n mia!

Zusatzinfo

Keine Regel ohne Ausnahme: Aus dem Willen wird der Wü'n, aus geblieben wird dann 'blü'm, aus Milch wird Mülli!

Quellen

Hans Pichler, Hofedl