Koa Gaudi
Zur Navigation springen
Zur Suche springen
Des Diand'l sitzt oi'weu' dahoam,
iah' Sepp, der find't koan' Tog net hoam.
Do wia'd de Soch' auf oamoi' iah' z' bunt,
sie geht ins Wirtshaus glei' aum Bau'nhof drunt.
Do siacht s', wia iah' Sepp in oan Zug grad
a Glas'l Schnaps in d' Gurg'l g'schütt hat.
So b'stellt s' grod z' Fleiß si' an Schnops
und trinkt 'n: "Bäh," schreit s', "is de's a'wos,
des Zeig tuat jo furchtboa' stinka,
Sepp, wia kaunnst denn so wos trinka'?"
"Gö," sogt ea', "hiaz schaust d' owa do,
und du glaubst, i' huck zan Va'gnüg' do?!"
Quellen
Hans Pichler, Hofedl