Kloane Händ'

Kloane Händ' sand riariga' oft,
weu s' haum weniga Kroft.
Waun 's g'fährlich is', kinan s' schnölla zucka,
eini'greiffa kinan s' boid in jede Lucka.
Se kinnan a a jed's Schreufi da hoi'n,
wos ana groß'n Haund schau owi is' g'foi'n.
Se kinnan bast'ln und a vü' guat's a toa',
is oi's guat und recht so, wia i' hoit moa'.
Zoag'n owa soiche Händ' auf aund're Leit,
do is' mit da Guatheit a net recht weit,
es san' daun soiche Händ' daun net recht g'suacht,
se wean nämli' do leicht za' an Fluach.
Kloane Händ' kinnan owa a' vü' guats toa',
de kinnan streich'ln, is wea kraunk oda kloa'.
A' trest'n kinnan s' und vü' zoag'n
und ba de Händ' hoit'n a' aum Morg'n.
Owa kloane Händ' haum a' oft a' moa'ds drum Kroft,
waun s' fia di' bet'n, oft a' daun Tog und Nocht!

Quellen

Hans Pichler, Hofedl