Kleeheigna im Yschpatoi

Aus Landschaftsgeschichten
Version vom 12. Oktober 2022, 17:49 Uhr von Christof K (Diskussion | Beiträge)
(Unterschied) ← Nächstältere Version | Aktuelle Version (Unterschied) | Nächstjüngere Version → (Unterschied)
Zur Navigation springen Zur Suche springen
Hiefel zum Trocknen von Klee

Voa' sechz'g Joah', do woa' 's a so,
do hot ma den Klee g'maht o',
des woa' so za da Heignazeit,
Klee-Aufhüfi'n, des woa' grod net de greßte Freid'.
Meistens san' ma va' da' Hauptschui' hoam 'gaunga',
Schulschluss, de Schui' woa' aus, mia' hau'm koa' Va'launga'.
Daun woa' ma dahoam a wengal miad' -
"Guat, dass d' do bist, weu' 's heit' zan Klee-Aufhänga' wird!"
Da Vota hot schau Mad'l g'mocht,
daun is' dahi' 'gaunga' bis auf d' Nocht.
Kleehüfi', Hüfi'steckan hot ma aum Ocka' g'fiah't,
Mö'kschaumi', Eis'nstaunga und Schläg'l, wei' 's ei'gschlog'n wird.
Rechan und Gobi' nimmt ma aum Bug'l,
so kimmt ma za da Oa'wat zuwi'.
Wo daun de Hüfizeu'
do is' eh schau frei.
Daun faungt ma in Gott'snaum au'
mia mocht de Luckan mit da Eis'nstaung,
schei' tiaf, dass da Hüfi' hoi't,
do hot ma a Zeu'n daun boi'd.
Schei ei'gschlog'n und va'staumpft daun nocha',
des muass ma schau' gewiss'nhoft mocha'.
Zwoa Steckan üwa' Kreiz aum Bod'n,
so meass ma des schau' hob'n,
daun draht ma 's Schiwal um den Hüfi'
und daun oi'weu' wieda' an kloan' Schüwi',
bis zan next'n Stang'l legt ma auf
und oi'weu' wieda' drauf.
Gaunz ob'n daun an Huat,
dass net ei'regna' tuat.
Und daun kau' 's trickan schei',
dass a guat's Kleefuada' tuat sei'.
Zeitig in da Friah hot ma daun g'lond't,
domoi's in oana' Wocha' auf an Loatawog'n.
So hot ma des Kleefuata' g'schont,
und es san' koane Kleeblatt'l davon.
Es woa' a schene Zeit,
und mia denkt nu' z'ruck a' nu' heit'!

Zusatzinfos

  • Heignazeit = Heuernte
  • Kleeaufhüfi'n = Klee aufhängen auf einen Hiefel (Pfahl mit Löchern zum Lufttrocknen)
  • a wengal = ein bisschen
  • weu' 's = weil es
  • Mad'l = Futterzeilen
  • Mö'kschaumi' = Melkschemel
  • Rechan = Rechen
  • Gobi' = Gabel
  • Zeu'n = Zeilen
  • Luckan = Lücke, Löcher für die Kleehiefel
  • Schüwi, Schiwal = Schippel / Schipperl (Handvoll Futter)
  • oi'weu' = allweil, immer
  • trickan = trocknen

Quellen

Hans Pichler, Hofedl