Intellegenz va de Hund

Aus Landschaftsgeschichten
Zur Navigation springen Zur Suche springen

A läufige Hündin muasst d' mit da Leine Gassi fia'n
und hi und do des Äusserl'n probia'n.
So is gwes'n in unsara G'moa',
da oane geht mit 'n Hund Blacky mit'n Lei'l alloa'.
A Nochba' kimt dahea do glei'
und redt eahm ei', dass a Hund net drei Wocha läufi' sei.
A wenig probiern mit 'n Nochban Seppi des kunnt ma do,
waun a wirkli' auffi springt, ban Fö' do hob i' ihn jo.
Wia 's weita gaunga is, do braugst net frog'n,
de zwoa Maunna san streitat woan, und de Blacky, de hot trog'n.
D'rum braugs't net glaub'n, de Hund san' bled,
de wiss'n schnölla wia mia, wia so wos geht!

Zusatzinfo

  • G'moa' = Gemeinde
  • Lei'l =Leine
  • läufi' = fruchtbar
  • Fö' = Fell

Quellen

Hans Pichler, Hofedl