Howanbau

Za Josefi hot ma in Hl. Josef verehrt,
do hot a' des Kircha'-Geh' dazua g'hea't.
Mia hot se' a Hand'l Howan ei'g'steckt
und hot in Wirtshaus in Wei' a poa' Keand'l ei'glegt.
Des woa', dass da' Howan schei' reis't
und a schiach's Wetta' ausbleubt.
Waun 's Wetter hot passt und woa' woa'm,
daun is' ma' Nochmittog mit da' Aa'n ausg'foah'n,
mia hot in Howanocka' nieda' g'stroaft
und hot net laung zuag'woa't't.
Weu' im März muas da' Howan unta' d' Erd',
dass a' recht schei' werd.
Da' Howan woa' friaha' wichti' fia' Viech' und Leit'
und guat fia' de Allgemeine Volksg'sundheit.
So woa' des Howanstroh
fia' den g'sund'n Strohsock do
und de woach'n Howanfleig'n
fir a g'sund's Poi'sta'l sein.
Es meg'n a' de Howaflock'n
de Weiwa'leit' in da' Kuch'l zan koch'n.
A' des Kroftfuata' fia' de Ross',
des mocht daun da' Rossknecht dos.
Owa' a Au'gob' fia' de Kiah',
dass de Mü'ch geha't wia'd.
Drum hoaßt 's: Wea' koan' Howan meah' au'baut,
der aum Herrgott gaunz vertraut!

Zusatzinfos

• Hand'l Howan = Handvoll Hafer
• poa Kernd'l ei'glegt = Howan ei'woaka [einweichen]
• reis't = gute Ernte bringt
• Aa'n = Egge
• Howanocka = Haferacker
• Howanstroh = Haferstroh, wurde für den Strohsack verwendet [Therapie]
• Howanfleig'n = Haferspelzen

Quellen

Hans Pichler, Hofedl