Hoslaua G'schicht fa de Hausnaum
Version vom 19. Oktober 2019, 15:17 Uhr von Johann P (Diskussion | Beiträge)
Ban Oisa faungt si' 's Ölend au',
ban Deis'l hau'm se 's schau',
da Doimbigla mit da Hoidahau'm,
da Göwi, der kau's kam glaub'n,
da Weiringa mit 'n Scherz'l Brot,
da Dörrschuasta, der reah't se' z' Tod',
da Stuamberga da Burgschaundarm,
mit den braucht se' da Köck net harm'
da Bigla mit da Hoidablos'n,
da Lepoit'n mit da laungan Nos'n,
da Schoch'nhofa loah't de Loata au',
damit da Peckstoana aufikreun kau',
da Orthofa' is schau' o'm aum Ba'm,
da Bau'goartna tuat aum Schnür'l zah'n,
da Orthofa' schiaßt owa, dass 's krocht,
so haum d' Hoslaua eah' G'schicht'l g'mocht!
Quellen
Erzählt von Hans Schauer [Lepoit'n Hauns] am 1. August 2017, 3 Monate vor seinem 90. Geburtstag
Aufgeschrieben von Hans Pichler, Hofedl