Hofedl va da aundan Seit'n
Zur Navigation springen
Zur Suche springen
Hofedl is' kloa'
oba i moa',
do gibt's trotzdem vü' liabe Leit',
de 's Oarbatn und 's Leb'n do recht g'freit.
Mittn in Yschpatoi' liegt des liabe Fleckal,
do spü'n d' Kinda nu' Räuba und Schaundarm und Vasteckal.
Da Yschpaboch rinnt knopp vorbei,
's Schloss Rorregg is' a glei owabei.
D' Kirchtürm va' Oi'tnmorkt und Yschpa kau' ma seg'n,
de Maunan am Sunntog in d' Kirchn zan gehen.
Guate Nochbaschoft is' a heit scho sö't'n,
oba ba uns tuat 's nu' wos gö't'n.
So lebt se' 's gaunz sche' do, und olle san froh,
denn a so a liab's Dörfi' gibt 's net so schnö' wo!
Quellen
von Elfriede Spreitzer, Hofedl
aufgeschrieben von Hans Pichler, Hofedl