Hofedl

Aus Landschaftsgeschichten
Zur Navigation springen Zur Suche springen

Hofedl is a e'ma Fleck,
net recht weit weg van Schloss Rorregg.
1432 do woa' 's a Lehen,
van Seisenegg auf Schloss Wimberg eben.
Erdla hoaßt "feichta Grund ba de Ed'lstau'n",
g'wochs'n is woah'scheinli' net vü', es woa' a Raud'n.
Oa'g woas in da Hussit'nzeit,
do hot 's g'geb'n recht wen'g Leit.
Vü' Kaiserliche Trupp'n nua' Söldna' woa'n
und vü' in Toi' hau'm Hab und Guat va'loa'n.
A Dritt'l va' de Heisa' hot 's nimma geb'n
und Braundstott, Oed'n woa'n Ortschoft'n, woa'n ohne Leb'n.
So is' g'kemma des 18te und 19te Joah'hundert, und mia hot se denk't,
wo ma Grundkauf fia' Heisa' lenkt,
und auf oa'moi' woa' da E'lankowi,
do voa' Rorregg a' gaunz nowi'.
Mia hot 11 Pazöna g'mocht
und so woa' daun Hofedl do,
ed'l woa' da Grund mit de Edl'stau'n
und Hof woa' des Schloss sodaun.
Da Va'woi'ta Regensdorfer hot lisadia't 'in Baugrund, ea' hot se' 'traut,
und Obstbam hot's geb'n, do hot a drauf g'schaut.
Des woa in 1837a Joah'
und Hofedl mit de Heis'l woa nu kloa'.
G'oawat hau'm s' eah' Lebta' fest,
de meist'n san woih' Hoizhocka' g'west.
Neida hau'm "Diabsheisl" za uns g'sogt,
owa ois E'lkowi woa 's goa' net g'frogt.
So san oi'weu' Heisa' dazua kemma daun
und so wochst se' Hofedl z'saum'.
Es san' in da schlecht'n Zeit
so maunche woa'n va nix, a Heis'lleit.
Owa hiazta geht 's uns so vü' guat,
dass Hofedl nu oi'weu' zuanehma' und wochs'n tuat!

Zusatzinfos

  • e'ma Fleck = ebene Stelle
  • El'ankowi = Erlenwald
  • nowi = nobel
  • Pazöna = Parzellen
  • lisadia't = lizitiert, (bei Versteigerung o. ä.) mitgeboten

6 Neubauten 2016

Quelle

Original von Hans Pichler, Hofedl