Hauptseite

Landschaftsgeschichten - das Wiki für Naturvermittler

Landschaftsgeschichten ist ein Wiki mit dem Zweck, für ausgewählte Regionen Österreichs Erzählbares, Vermittelbares und Informatives zusammenzutragen. Das Landschaftsgeschichten-Wiki ist keine Raum-Enzyklopädie sondern eine naturräumlich geordnete Geschichtensammlung. Das Narrative ist fester Bestandteil der Vermittlungsform. Landschaftsgeschichten wendet sich primär an praktisch tätige Naturvermittlerinnen und Naturvermittler und soll eine Mustervorlage für die eigene Vermittlungstätigkeit darstellen.

Die meisten der hier gesammelten Geschichten haben starken Regionalbezug und stehen in engem Zusammenhang mit der regionalen Eigenart einer Landschaft. Um zu den gebietstypischen Einzelgeschichten zu gelangen, wählen Sie einfach aus der Übersichtskarte ein Bundesland und dort ein bereits bearbeitetes Projektsgebiet.

Themenbereiche

• Sengstmah' sans friaha gaunga ,

do is' da Hau' nu g'sesse'n auf da Staun'ga . Hot er daun schau krah't hoit joh , wor'n de Mohd'da auf da Hoad schau do .

Woa' dabei oana .der hot koa Schneid , is a ban Birschtling kemma 'goa' net weit'. Denn des Gros ,woar a schlecht's Fuada s'woa net rah' , owa braucht ho's a jeda a .

Auf de Supp'n hot se jeda g'freit , den do is zan Hunga ,a kemma a de Weiwaleit' . Owa es kinnt's eng denka', bei der Weiten is meist'ns a Junge Kemma' .

Nochher haum's z'schlog'n de Mod'n , das de Sunn' kau's bessa brot'n . Umkehrt haum's daun nu' a Weu ' und schei laungsaum wiad van Groß a Hei .

G'schewat hot ma daun auf d'Nocht , den sunst wa de Oawat jo net g'mocht . Des Tau kau' vade Schewa' owa rinna' und des Fuada wird oiweu' g'ringa .

In zweit'n Tog do hot mas z'strat , des Fuada wos ma hot aum Vortog g'maht . Um kehrt hot ma daun z'Mittog und aum Nochmittog hot ma g'mocht a scheini Mohd .

Da Bau' is daun mit da Zaug kemma , umd Hei auf'z lona und mit z'nehma . G'roacht hot da Bau oda da Knecht , wea g'rod Zeit hot oda wia's grod ' recht .

G'fosst hot Beirin oda d'Dirn , wias woa' , oda waun's g'nädi' woa olle Zwoa' . Hot leicht a Weda uma g'schaut , daun hot ma's schnölla aufi g'haut .

Brema o'wach'ln ba de Ross', Ochs'n oda Kia , woa' meist'ns a kloa's Diand'l oda Bua . Nochg'recht hot ma z'an Schluß des Fad'l Hei', meist'ns a ödas Wei' .

Zan bin'dn hot ma g'numa dazua an Bindbam , voan au'g'mocht mit Strick oda' Kett'n auf d'Loatabam. Mit'n Heiseu'is hint'n nieda' bund'n woa'n , gleichmessi' hoch hot's sei' miass'n ,va hint bis voa'n ,

Denn sunst bist nit kemma z'an Stodltoa', umg'schmiss'n host ,trotz'n au'hoit'n oft goa'. Au'faunga' hosst miass'n daun wida va voa'n, und oft is'daun a finsta woa'n !

G'schewat= Heuschober machen ,Mohd= Heuzeile ,Zaug'= Gespann G'fosst =Heu am Wagen legen und treten,G'roacht =reichen ,

Brema = Ungeziefer, Fad'l = Fuhre Heu ,Bindbam 4 Meter langer Baum zum binden .