Handy Plog

A Handy hot a jeda Mensch ,
so sogt da neichi Trend ,
gaunz kloani gibt's schau de' san haundli' ,
recht schei sans und vü' brauchans za' an Raundi' .

Max, Nokia, Telering und a One,
Vü san' zan braucha und oft a koa'.
A'Frequenz de zaht se oft in d'Läng'
und so maunch'n is' d'Reichweit'n nu z'weng.

A Jeda hiatzt schau glaubt,
das a' so a Handy auf jed'n Foi' braucht .
In Uropa kaffans hiatzt a schau oa's,
weu sunst bist net in,host du nu koa's.

Jed's Kind ,is' nu so kloa des G'frast,
heit schau auf a' Handy passt,
blau,gö'b,grea,rot,g'scheckat wias hoit is',
hot hiatzt boid a jed's G'fries.

Wauns't das au'möd'st oft schau heia',
kau'st net haushoitt'n kimmt's da teia',
dazoin kau's so mauncha oft nie',
daun braugst' zan telefonia'n a Bee-free.

Schaust du hint're za da Seit'n oda voa'n,
boid a jeda hot ne'm eam lieg'n a' aOne,
waunst' a' koan Empfaung net host,
aOne braugst' kost's wos kost'.

Haut de Soch' daun do' net hi',
braug'st A 1 mit Bee:Free,
so kemmans daun oft da hea',
do leit'n Handy in da Tosch'n mea'.

Des is' in dreia Joah' so g'wes'n,
do wo nu koa Tatsch-screen host g'seg'n.
Hiatzt is' des jo schau gaunz aundascht woa'n,
do braug'st nua mea mit n'Finga foa'n.

Du kau'st Büd'l mocha noch da Reih',
faungs't da de Natua' ei' des is' schei',
a' mit Video geht des a' des is' zan mocha,
mochs't a freindlichs G'sicht muast oiweu locha.

So gibt's oiweu mea so a' neich's Zeig
und de Leit haum damit ea' Freid .
Wauns koa SMS und a koa Wozep gab
do was fia so maunche Nanis sicha fad.

Es geht oiweu moderna hea ban Telefonier'n,
schoit ei' des Smartphone und aus dei Hirn.
Du kaust schau ollas hintafrog'n,
mit den neich'n iPhone.

Quellen

Hans Pichler, Hofedl