Große Händ' !

Große Händ' sand oft wia Protz'n,
de schaun daun aus wia Totz'n,
se san woi oft a' fia a schware Oawat guat,
weu se' a soichana leichta tuat.
Soichane Händ' kinnan a' wia a Schraufstock sei',
pockt di amoi a soichana, glaubst d', du geh'st ei'.
Is da Besitza va de Händ' owa grob und rauh,
daun is' schlecht fia a Diand'l oda Frau.
Denn hot di' a Soichana dawischt daun echt,
daun is' via de Leit'ln gaunz schlecht.
Oda teut a so a Haund a Watsch'n aus,
i' sog da nua: "des is' a Graus!"
Waun de owa a so a Haund streich'ln tuat,
des tuat daun a' dowit guat,
a G'füh' a so a Haund daun a' nu hot,
daun tuat des woi, jo i' dia sog'.
Soichane Händ' kinnan owa a' a' Seg'n sei',
glaub ma's, a des is' schei',
waunst du amoi' a Hüfe' braugst
und in de Schutz va de Händ' ei'tauchst,
daun kinnan de Händ goa net groß g'mua sei',
ba soichane Schutz suacha, des is' daun a' fei'.
A' zan bet'n sans recht guat,
weu' 's mit soiche Händ' dowet ausgeb'n tuat!

Quellen

Hans Pichler, Hofedl