Grias di Gott
Version vom 11. Februar 2020, 19:14 Uhr von Johann P (Diskussion | Beiträge)
Wia i' so üwaleg'n tua,
wia ma friaha g'sogt hoit hot.
Grias di Gott ban kemma,
boi a da d'Haund geb'n hot.
Pfiat di Gott ban gei,
boi a di' valoss'n hot.
Hö'f da Gott za da Hü'f,
waunst woast in da Not.
Vagib da Gott waun's Unrecht,
wer dia tau'n hot.
Vagöt's da Gott ois Daunk,
waun ma Daunkschei g'moat hot.
G'seng's da Gott hot's g'hoas'n,
fia de Gnad' bei Gott.
Trest'n da liawe Gott
waun ma iwa eam noch'n Tod g'ret hot .
Kunnt ma des Heit a nu sog'n,
mia kunnt so maunches leichta trog'n.
Ma kunnt so maunches glaub'n
und brauchat nua zan' Hümmi schaun!
Quellen
Hans Pichler, Hofedl