Greißla in unsan Toi
Greißla hot's in Yschpatoi vü' geb'n,
und olle haum net z' vü g'hobt zan Leb'n.
In Oi't'nmoa'kt, do woa da Koicha, da Jagsch und da Haida',
z' Pisching woa da Jagsch, Wiesmülna, mit 'n Ö'haund'l geht's do weita.
In Yschpa da Mü'hauser und da Kerp, da Jud',
dea woa fia de Leit - so haum s' g'sogt - herzensgut.
Ea hot s' ban Zoin a net üwanumma,
und da Kundschoft mocht a ban Leicha a koan Kumma'.
De Greißla haum friaha vü g'hobt,
in Zuckerhuat, Petroleum und a wos fia d' Jogd.
Mö', Griaß und Soi'z
und a va de Bau'n, Oa' und a' a Schmoi'z.
Oafrogna is oft oana gaunga an gaun'zn Tog,
und so maunch'n hot a mitbrocht a Pack'l Tobog.
So mauncha va da Oa'schicht hidau',
haum ei'kaft aum Sunda' noch da Kiacha daun.
Es hot a' Umgeha' geb'n ,
de haum mit 'n Kloa'haund'l g'frist't ea' Leb'n,
so maunche san Bosnjak'n g'west,
de woan in da deitsch'n Sproch' net sott'lfest.
Oda de mit Kua'zwoa' und Band'l,
de woan van Band'lkraumaland'l.
Des woan de mit Rucksock und Bauchlod'n,
mitg'hobt haum s' oi's, wos kinna haum trog'n.
Unsare Greißla woa'n natirli' goa' net erfreit
üwa olle Umgeha-Leit'.
Se haum daun a wenig an Hond'l betrü'm,
dass ea' a wen'g'l wos zan Leb'n is' üwa blü'm!
Zusatzinfos
- Greißler = Kaufmann
- Leit = Leute
- Oi't'nmoa'kt = Altenmarkt
- Leicha = Leihen
- Zuckerhuat = vom Zuckerhut wurde Zucker herunter geschlagen mit kleinem Beil
- Mö' = Mehl
- Soiz = Salz
- Oafrogna = Eiereinkäufer
- Bau'n = Bauer
- Oa'schicht = alleine stehendes Bauernhaus
- Sunda' = Sonntag
- Umgeha = Kleinhändler, auch Bosnier (Bosniak)
- Kua'zwoa' = Kurzwaren (kleine verarbeitete oder verfertigte Waren)
Quellen
Hans Pichler, Hofedl
