Grassat

Aus Landschaftsgeschichten
Zur Navigation springen Zur Suche springen

Grassatschnoat'n!

Schnoatmesser (Hippe) zum Abschneiden von Reisig (Grassat). Foto: Johann Pichler, Hofedl
Schnoatmesser (Hippe) zum Abschneiden von Reisig (Grassat) im Einsatz. Foto: Johann Pichler, Hofedl

Friaha do ban Bam' o'schneid'n,
haum s' de Äst' oft 'daun auf d' Seit'n,
weu' de Strei hoi't recht rah',
wo a Grassat zan schnoat'n wa'.

Mit 'n Schnoatmessa hot ma g'schnoat' de Äst',
wos zan Grassat-Schneid'n g'richt is' g'west.
Mia hot 's ba da trickan' Zeit,
hoam dass ma 's Grassat schneid'.

In de Fuaramaschin' do hot ma 's 'tau',
d' Rad'l umg'steckt, so schneid't ma 's Grassat z'saum',
und so hot ma 's za da Ei'strei g'numma',
owa' in Winta' und net in Summa'.

Des is weg'n den Pech im Fö',
ban Kuaheuta' do pickt 's a's wia da' Wö'.
So woa' des Grassat in Woidviert'l gaunz notwendi',
waun de Fexat ba uns woa' ollendi'.

Hot ma 's oi'de Deckstroh owag'riss'n,
do hot ma 's net aum Misthauffa g'schmiss'n.
Mia hot 's in d' Streihitt'n einig'schnitt'n oi's Strei',
waun 's a' oi't woa' - des woa' einerlei.

So hot ma oi's ausg'nutzt bis auf d' Letzt'
und hot se' oi'weu' wieder driwa' g'rett',
frett'n woa' do groß g'schrieb'n üwaroi'
und daunig'haut - des woa' auf goa' koan' Foi'!

Zusatzinfo

  • Grassat = grünes Tannen- und Fichtenreisig
  • Schnoat'n = Reisig von den Ästen trennen
  • Schnoatmessa = Hippe, Messer zum Trennen vom Reisig von den Ästen
  • Fexat = Fechsung, Ernte
  • ollendi' = elendig
  • frett'n = mit knapper Not durchkommen mit Streu
  • Ei'strei = Einstreu für Winter wegen Pech und Harz im Fell
  • Fuaramaschien = Futtermaschine
  • Deckstroh = altes Dachstroh

Quellen

Hans Pichler, Hofedl