Geburtstag Geschenke

Büd'ln mit an bled'n Spruch,
a Soaf mit an fuachtboa'n G'ruch,
Glas'l fian Schnops, Wein und Bier
de braugst in gaunz'n Leb'n nia.
Durchsichtige Heferl san'd fian Tee,
a Gloßservice fia'n Kaffee,
a Preßglosschiss'l in oval-
is ba Spende fian next'n Ball.
Tölla,g'stroaft in blau und brau',
de bring i ba meina Tant ban Sieb'zga au'-
de siacht seit ihra Kindheit schlecht
ung g'freit se driwa sicha recht.
A Blus'n, wia mas g'hobt hot, hochrot,
zwoa Stoaguatschiss'ln fia'n Solot
und a murdsdrum Blumanvas'n
a gold'ane Mokkakaul' mi Tass'n.
Des Nochthemad moast kunnt's toa
owa na es is' um zwoa Numma'n z'kloa;
a Puppal mit an Häck'lkload'l,
an schen Pulli, nua z'laung dea is van Koal.
Du entdeckst a Flosch'n Sekt,
des hot wea' g'wißt, das der dia schmeckt,
du g'freist di'momentan schau drauf,
moag'n mogst'n fia de aunda'n auf!
Hiatzt hoast's aum Bod'n a Kist'n richt'n
und de Kraummuri eini schlicht'n ,
aum ollameist'n wurmt's in dia',
du hodt di nu bedankt dafia'!