Fürsegnung
Die Wöchnarin noch der Geburt wieder aus Lebensgefoahr,
gaunnz wichtig de Fürsegnung woar.
Im oi'ten Testament
hot ma des Fürsegna' schau' 'kennt,
mia hot aun des Böse 'glaubt,
waun a Kind 'kriagt hot a Frau.
A Wöchnarin braucht an Schutz schau',
waun s' unta' de Dochtropfan duachgeh' muas daun.
Bis zua' Aussegnung in da' Kiacha' muas 's sei',
mit Kind, und d' Hefangin muas a' dabei sei',
ba da Kiacha' za da' Seit'ntia' muas s' geih',
doa't tua't da' Hw Pfoara mit 'n Chorrock steih'.
Mit da Stola wird de Muata' in d' Kiacha' geleit't,
und a Ministrant steht mit 'n Weihwossa' bereit.
A brenna'de Kerz'n steht aum Marien-Oitoar,
wo davoa' a Betschaumi' woa'.
De' kniara'de Muatta' kriagt do iah'n Seg'n,
nochdem de Muata' und Kind'l is' genes'n.
Mit'n Weh'n-Kreuz fia' a leichte Geburt,
und dass a' unta' zwoa Tog a' 'tauft wua't.
Fia' ledige woa' des net so g'leg'n,
do hot 's nix 'geb'n an Fia'seg'n.
Oft san de Kinda' in oana aundan Pfoa' gebor'n,
weu' ma mit de sogenaunt'n Bau'gat nix woar'n!
Zusatzinfos
- URIkon (Lexikon des schweizer Kantons Uri): Geburten, Mutter- und Vaterschaft (etwa in Artikelmitte, Kapitel Details zur Geburt, Mutter- und Vaterschaft)
- Austria-Forum: Muttertag (vorletzter Absatz)
Quellen
Hans Pichler, Hofedl