Fuataschneid'n za de Feita

Aus Landschaftsgeschichten
Zur Navigation springen Zur Suche springen

Es woa' oi'weu' za de Weihnachtsfeia'tog',
des Fuataschneid'n, des woa' a so a Soch'.
Zan Fuatastock auffigreun, aum Loatabam,
des traut ma se' hiatzt kam meah' auf 'm owa'n Tram.
Mit 'n Schräda hot ma 's owag'schräd'n,
de Fuatastöl'n san' bis zwö'f Zoi' broat g'wes'n,
des Owitrett'n, des woa' oft net leicht,
dass es a' oft da'schneid't.
Daun hot ma 's za da Fuatamaschin' owig'schmiss'n,
de woa' do unt' auf'gstö't g'west, des muasst wiss'n.
Ba da Fuatamaschin' de Kemprad'l umg'stecka muass,
Autriebrad'l kloa' und Laufrad'l groß, wia'd 's G'hack kurz.
Autriebrad'l groß und Laufrad'l kloa,
wia'd 's Fuata laung, wia i' moa'.
Natürli' hot ma net lauta Hei g'numma,
mia hot a Howanstroh dazua, dass ma ausg'kemma is' bis in 'n Summa'.
Daunn woa' des Howastroh fia' 's Viech recht g'sund,
dass ma fia' 'n Viechdokta koane Auslog'n hob'n kunnt'.
Fuata g'schnitt'n hot ma fost an hoib'n Tog
zu zweit, es woa' net leicht, mia hot se' oft a' 'plogt.
Des woa' mit Transmission und mit 'n Elektromotoa',
wos schau' a wenig leichta woa'.
Voa' 'n elektrisch'n Strom, do woa 's a Plog',
mit da Kua'we' do hau'm s' g'schwitzt, goa' koa' Frog',
und braucht hau'm s' de dowi'de Zeit,
so oa'm woa'n friaha' de Leit'.
Stress, des hau'm s' friaha net g'hobt,
duachikemma' und z'fried'n, des woa'n s' grod,
und koan' woa' domoi's fad,
de Zeit woa' nu' friedlich und stad.

Zusatzinfos

  • Fuatastock = Heustock
  • se' = sich
  • aum, auf 'm = auf dem
  • Loatabam = Leiterbaum (an der Tenne Steighilfen mit Sprossen in den Dachraum des Stadels)
  • owa'n = oberen
  • Tram = starker Holzbalken am Dachstuhl
  • Schräda = V-förmiges Eisen mit Schneide an der Unterseite, darüber Stielhalterung mit Holzstiel und Trittfläche zum Draufsteigen
  • g'schrädat = mit dem "Schräda" Heu herunter schneiden
  • Fuatastell'n = Streifen Heu in Abständen zu ca. 30 bis 35cm Breite
  • Zoi = Zoll (altes Längenmaß; ca. 2,6 cm = 1 Daumenbreite)
  • Kempradl = Zahnrad
  • Howanstroh = Haferstroh für Pferd verfüttert im G'hack
  • G'hack = Kurzes Futtergemisch mit Klee und Haferstroh
  • fia' 'n = für den
  • Viech = Vieh, Rindvieh
  • Viechdokta = Tierarzt
  • Transmission = Vorrichtung zum Kraftübertragen, z.B. vom Sägewerk zum Bauernhof
  • Kua'we' = Kurbel
  • dowi'de = doppelte
  • stad = still

Quellen

Hans Pichler, Hofedl