Frodo

Frodo, unsa' Hauh'

Frodo hoaßt unsa' Hauh',
an etla' Joah' hau'm ma 'n hiatzt schau',
ho'm tan ma 'n va' Aumstett'n,
da' Pröll Hauns is' da Besitza' g'wes'n.
Aum Au'faung geht a ma' net in Heah'stoi',
i' denk ma: Frodo, des hau'm ma boi',
i' moch eahm des Tir'l zua,
und fia' heit' is' daun a Ruah'.
Den next'n Tog, do schau' i' no',
do' geht ma' z' Mittog da' Hauh', da Frodo, o'!
I' schau' in Heah'stoi', und glaub' des kam:
do huckt a' z' Mittog schau' o'm aum Hauh'bam.
Weu' uns're Heah' brav tan leg'n,
do tua i' s' lob'n und streich'ln eb'n,
und da' Frodo schaut mi' groß au' -
sog i': "Nau Frodo, mogst des leicht a' schau'?"
I' foah' eahm üwa' de' Feda'n drüwa',
und des g'foi't eahm, und ea' duckt se' nieda'.
Hiatzt woa't't ea' jed'n Tog auf mi',
dass i' streich'l des liawe Federvieh!

Zusatzinfos

• Hauh' = Hahn
• etla' = etliche, einige
• Hea', Heahna' = Hühner
• Tir'l = kleine Tür, Lücke
• geht o' = geht ab, ist nicht da
• Hauh'bam = Hühnerstiege
• brav leg'n = tüchtig Eier legen

Quellen

Hans Pichler, Hofedl