Foschingzeit

Wia schei is' do de Foschingzeit,
mia kau' schau ho'm a moads' trum Freid,
Taunz'n, Locha und Jubilia'n,
owa ollas hoit do' mit Hirn.

G'sund is' auf jed'n foi des Locha
und woi' a des Gaudi mocha,
a' an Aunda'n Freid hoit schenka,
des is' hoit auf goa koan foi' zan Va'denka.
 
Ma' kau' se a do vakload'n,
mia muass jo net ois ausbroat'n,
dass de Oana net dakenna tuat,
mocht a Gaudi und tuat oft guat.

Mia kau' so maunch's G'schicht'l drucka,
do muasst di' net unbedingt va da Obrikeit ducka.
Ois hoit do' mit Moß und Zü',
denn wei' wos z' vü is', des is' z'vü.

Dass ma' nochhea nix muas biaß'n,
dass di' nochher a jeda tuat nu freindli' griaß'n,
daun is' des a scheini Foschinszeit,
wo ma' a' nochher hot nu laung a Freid'!

Quellen

Hans Pichler, Hofedl