Feuerwehr mit Tracktor

A Feuerwehr hot's schau' üwaroi' geb'n,
nua' motorisiert woa'n s' kam nu' eb'n.
Es woa' nua' a so mit an Rossg'spaunn,
weu' 's nu' koane Feu'wehrauta hau'm.

Mia hot a Aunhängung g'mocht,
mia foah't mit 'n Traktor aus - des wa' do' g'locht.
Und daun brennt 's in Nochbandorf,
mia spaunt ei' an 28a-Traktor gaunz schoaf.

Owa net recht laung is' ma g'foan,
do is des Dies'löl goa' 'woa'n.
Mia hot se' owa' z' hö'fa' g'wisst:
a viert'l Stund' späta' is' ma mit 'n 18a weita 'düst.

Vielleicht woa' ma daun schau' z' spot,
owa trotzdem woa' ma do.
In Feu'wehrbericht, do steht d'rinn':
a so a Aunhängung ban Spritz'nwog'n hot do' an Sinn.

Mia hau'm zwoa' an Obstieg ba de Traktor' g'hobt
va an 28a- za an 18a-Steyra in da Not.
Owa' des nexte Moi' schau' ma weg'n den Dies'löl,
daun san' ma trotzdem dowit schnö'!

Zusatzinfos

• Aunhängung = Anhängerkupplung zur Traktorbenützung
• 28a-Traktor = Steyr 28, damals schnellster Traktor mit Zwischengetriebe
• dowit = doppelt

Quellen

Hans Pichler, Hofedl