Erdbirn

G'schichtl

De Erban san voa üwa 500 Joah' noch Europa kemma,
da Christoph Columbus tuats va Amerika mitnemma.
Laung hot ma dera Soch net traut,
de Erban mit den grean Kraut.
Es woa a Essn via de oama Leit
sunst hot ma g'hobt koa Freid,
des is a poa Hundat Joa so gaunga,
trotz Hungasnot hot ma auf des Zeig koan Plaunga!
Des woa daun bis zan Zweitn Wötkriag,
auf oamoi gibt's de Erdöpfi ba an jedn Wirt.
Mit da Koart'n woa des anet schwa,
weu des a zan ess'n wa.
Und daunn haum ma noch'n Kriag Erdöpfikäfa g'schaut
weus da Amerikaner mit de Fliega owa g'haut.
G'fund'n haum ma koan,
weus ba uns nu net do woan.
Auf oamoi woa der Kartoffel modern
gess'n haum's oarme und a feine Herrn,
und mia glaubt des nit
fost a jeda ist gern Pommfritt.
Va de Böm do is da Bramburi kemma,
de Köchin dan des in'd Weana Kuch'l mitnehma.
Da Erdopfi der is g'sund
owa du kimmst a net aum Hund.
Und sans Kipfla de san net grod,
jo drum nimmt mas a fia'n Solot.
Ma ist s' brat'n, Chips, Sterz und a kocht,
Pommfritt, Spirol'n und Wetsches 's Herz dia locht.
Jo owa auf unsa Jugendzeit do denk ma nu gern z'ruck,
auf'd Erdäpfe Fei' und aum Ruck.
Erdbian, Erpfi, Erban, Bramburi san de Nau'm
und auf Kartoffel faung ma hiazt ois Zaum.
Waun owa mia net ess'n, daun fress'n's d' Sau
und oisa vaed'lta ess' mas wieda - nau schau!

Zusatzinfo

• Um 1781 sucht Altenmarkt um Nachlass des Erdäpfelzehents an [Gemeindearchiv].
• Oft war die Ernte gleichviel wie der Anbau!

Quellen

Hans Pichler, Hofedl

Wikipedia: Kartoffelbefehl