Ei'spauna

G'schichtl

G'fuarat hot ma de Ross schau zeitli in da Fria,
a G'hack und a Handl Howan hot's geb'n aune den geht's nia.
er hot se in Bo'n vaschloffa
und hot nu a Rand'l weida g'schloffa,
oft haum eahm a de Ross aufg'weckt noch an Raund
und er hot in da Putt'n a frisch' Wossa brocht van Graund.
Des hot gaunz rein sei mias'n und kloa',
weu sunst woa 's mit'n sauffa goa.
Da Rossknecht hot seine Viecha kennt
und is net umasunst mit da Putt'n g'rennt.

Noch da Supp'n wia schau g'sogt,
so geht au da Rossknecht-Tog.
Entweda da Knecht hot mitdenkt,
wo da Bau' hot de Oawat g'lenkt.
Do hot's in Fruijoah' Mistfia'n, Ocka'n und Stroafa' geb'n
Hoiz oda Reisa Hoam fian und Erdbia'n leg'n.
So maunche Sochan foat oda Hoam fian,
wo megli a poa dürre Rofan aus'n Woid ausaziag'n.

Daun mit'n Loatawog'n Hei lona mit'n Weuzl auf da Seit'n.
und daun aum Schledawe' z'weidigst auffi heit'n.
Ban Korn, Woaz und Howan ei'fian is bessa g'wes'n,
weu do is natirli fü bessa weu do woas moast Eb'n.
A Plog is fia Leit und Ross hoit oiweu dabei
und trotzdem haum s' nu glikli kinna sei'.
Es vabringt da Rossknecht mit de Ross vü' Zeit
und is mit seine Ross stoitz und hot vü' Freid!

Zusatzinfo

• G'hack = Kurz geschnittenes Futter für Pferde
• Bo'n = Kuh und Pferde Trog [Barren]
• Putt'n = Holzbehälter zum Tränken von Pferd, Kuh und Ochs, ca. 20 Liter Fassungsvermögen
• Stroafa = Eggen
• Weuzl, Wezal, Woizal = Kleines Rad für den Hang zum Umstecken, damit der Leiterwagen waagrecht zum Hang fahren konnte. Wurde am Weg wieder mit dem normalen Wagenrad getauscht

Quellen

Original Hans Pichler, Hofedl