Drei Höd'n

Aus Landschaftsgeschichten
Zur Navigation springen Zur Suche springen

Drei Mauna', wia s' in Wirtshaus huckan
und hoi't eahne' G'schicht'l druckan:
Se red'n va' eahne' Hö'd'ntat'n,
an' jed'n hot s' nu' bessa' g'rot'n.
Da erschte dazö'ht, de aundan san' stad:
"Mia' liengan knopp voa' Stalingrad,
do kimmt a Paunza' auf mi' zua,
owa' i' bleub lieg'n, do bi' i' stua'.
Da Paunza'foahra', dea' des siacht,
dea' hot 's mit da' Aungst z' toan kriagt.
Ea' bremst 'in Paunza' - hob' i' schau' g'wunna',
i' bi' eahm glei' auffi g'sprunga',
daun reiß i' ob'n den Deckl auf
und schrei': "Davaj, kemmt 's jo schnö' rauf!"
Do hea' i' oan sog'n: "Ausse geht ma' koana',
der Scheißa' traut se' eh' net eina!"
Nau mehr host d' net braucht, kau' i' eng sog'n,
spring i' glei' owi va' den Wog'n
und hob mit meina' Kroft - meast 's wiss'n -
eah' de Paunza'kett'n z'riss'n,
daun hob i' nu' eini' g'schrian:
"Oda' muass i' eng de Kanon' a' nu' va'biag'n?"
Des hot eah' g'reicht, de Russ'nknoch'n,
daun san' s' ba da Lucka' aussa g'schloff'n."

Da Zweite sogt: "I' bi' auf Spähtrupp 'gaunga',
mei' Auftrog: I' soi' Russ'n faunga'.
"Nau," hob i' mia' denkt, "des is net schiach,
i' faung eich schau' a' drei a via'.
A Aungst hob i' üwahaupt net kennt,
des Wort is' mia' heit nu' fremd.
Zu Zweit san' mia' grod g'wes'n, meast 's wiss'n,
um meah' hau'm mia' uns net g'riss'n.
Do san' mia' zwoa noch Ost'n g'robbt,
auf oamoi' schreit mei' Spezi: "Stopp!"
I' frog nu': "Host d' leicht wos da'specht"?
Dawei' hea' i' sö'wa' schau' wos, nau echt,
a Hauffa' Russ'n, moa' i', san' 's g'wes'n,
mia hau'm koa' Zeit g'hobt zan Zöh'n.
I' schrei: "Fraunz, waun de auf mi' hiatzt prall'n,
daun muast eah' du in 'n Ruck'n fall'n".
So hau'm ma 's g'mocht. "Stoj", schrei' i' s' au',
weu' i' guat Russisch a' nu' kau'.
I' steh eah' direkt vis-à-vis,
do war'n a poar her auf mi'.
Hiatzt hot da' Zorn mi recht pockt
und hob eahm ba'n Krawad'l glei' g'hobt.
A zwoanz'g, a dreiß'g hob i' nieda g'haut,
de aunda' hau'm daun deppat g'schaut,
Mia hau'm s' daun ins Loger brocht,
da Hauptmau', dea' hot g'schaut da noch,
dea' hot ma daun zua guata Letzt
des Eisa' Kreiz auf d' Blus'n g'heft't."

Den dritt'n hau'm s' daun a' nu' g'frogt,
dea' hot bis hiatzt koa' Wort net g'sogt:
"Wos is' mit dia'?", so frog'n de Maunna,
host du a' a Hö'dentot begaunga'?"
"Jo wia ma 's nimmt," sogt ea' daun drauf
und schaut va' seine Wiascht'l auf,
An Ami-Fliaga' hob i' daglaungt
den hob' i' mit'n Schia'hag'l owa g'faungt."
"Wos, va' da Luft?" frogt oana' verhoi't'n.
"Na", sogt dea' drauf, "va' meiner Oi't'n!"


Eine Frau sagt zu ihrem heimkehrenden Ehemann:
"Du bist gar nicht gefallen? Ich hab dein Gewand schon verkauft!"

Ein anderer, der nach drei Jahren im Urlaub kommt, sieht ein Baby in seinem Bett - er dreht sich um und geht auf nimmer Wiedersehen.

Zusatzinfos

Wirtshausg'schichten nach dem 2.Weltkrieg

Soll der Wahrheit teilweise entsprechen.

Quellen

Hans Pichler, Hofedl